Pagdating ni Ibarra, agad siyang pumunta sa bahay ni Kapitan Tiago upang sabihin na hindi siya excomulgado. Nakita niya si Maria Clara sa balkonahe, kasama si Linares. Nagkaroon sila ng maikling pag-uusap, at ipinangako ni Ibarra na bibisitahin niya si Maria Clara kinabukasan.

Sa bangka ng ni Elias, ipinaalam niya kay Ibarra ang hiling ng maraming sawimpalad. Nais nila ng pagbabago sa pamamalakad ng Gwardya Sibil at mga pari, pati na rin ang pagpapatupad ng katarungan. Nagkaroon sila ng mahabang talakayan tungkol sa mga isyu, kung saan nagbigay si Elias ng mga kritikal na pananaw sa pamahalaan.

Kinuwestiyon ni Elias ang pagiging epektibo at kabutihan ng Gwardya Sibil, sinabing hindi nito napipigilan ang mga tulisan at sa halip ay sinasaktan ang mga inosenteng mamamayan. Pinuna rin niya ang mga prayle at ang mga korporasyon, at sinabing hindi dapat kalimutan ng Pilipinas ang utang na loob sa mga nagtatag ng tunay na pananampalataya.

Matapos ang matinding pag-uusap, ipinahayag ni Ibarra na ang mga pananalita ni Elias ay nakaapekto sa kanya. Inamin niya ang kanyang pag-aalinlangan, lalo na tungkol sa kanyang pagmamahal sa bayan. Ipinahayag din ni Ibarra na nais niyang malaman ang pinagmulan ng kasawian ni Elias upang mas maunawaan ang kanyang mga paniniwala.