ASEAN at ang Hamon ng Likas Kayang Pag unlad sa Pilipinas at Timog Silangang Asya AP7 Q4 Week 5-6

Nakatuon ang mga bansang kasapi ng ASEAN sa pagpapatupad ng 2030 Agenda for Sustainable Development ng United Nations. Sa kabila ng iba't ibang krisis sa kalusugan, lahi, at seguridad, naniniwala ang ASEAN na mahalaga ang pagtuon sa mga hakbangin para sa sustainable development.

Ang UN SDGs ay binubuo ng 17 layunin na naglalayong iangat ang buhay ng mga tao, protektahan ang daigdig, at magbigay ng kaunlaran habang napapanatili ang kalikasan. Kabilang dito ang pagwawakas sa kahirapan at kagutuman, pagtataguyod ng kalusugan, edukasyon, pagkakapantay-pantay ng kasarian, malinis na tubig at enerhiya, disenteng trabaho, industriya at inobasyon, pagbabawas ng hindi pagkakapantay-pantay, sustainable cities, responsableng pagkonsumo, aksyong pangklima, pagprotekta sa buhay sa dagat at lupa, kapayapaan at hustisya, at pagtutulungan.

Para masubaybayan ang pag-unlad ng mga bansa sa ASEAN sa pagkamit ng SDGs, naglabas ang ASEAN ng sarili nitong baseline report noong 2022. Ito ay naglalaman ng impormasyon at datos batay sa mga napiling indicator ng SDG.

Bilang tugon sa mga hamon, itinatag ang ideya ng ASEAN Community 2015 na may tatlong haligi: ang ASEAN Economic Community (AEC) para sa malayang daloy ng produkto at serbisyo, ang ASEAN Political Security Community (APSC) para sa mapayapang pagtugon sa mga rehiyonal na isyu, at ang ASEAN Socio-Cultural Community (ASCC) para sa inklusibo, responsableng, at sustainable na pamayanan.

Sa kabila ng mga tagumpay, kinakaharap pa rin ng ASEAN ang iba't ibang hamon, kabilang ang pagkamit sa likas kayang pag-unlad, ang isyu ng pagiging kasapi ng Timor-Leste, alitan sa teritoryo sa pagitan ng mga bansa at Tsina (West Philippine Sea dispute) at ang historikal na pag-angkin ng Pilipimas sa Sabah, at ang malaking problema ng human trafficking at iligal na droga sa rehiyon.