Kalagayan ng Karapatang Pantao sa Pilipinas at Timogsilangang Asya

Para protektahan at isulong ang karapatang pantao, binuo ng ASEAN ang isang deklarasyon pagkatapos ng apat na dekada. Nilikha ang ASEAN Intergovernmental Commission on Human Rights noong 2012 na naglalayong palakasin ang pangako ng ASEAN sa karapatang pantao. Nagsimula ang pagtatatag ng mekanismo noong 1993 at noong 2007 ay naitaguyod ang saligang batas ng ASEAN na nagtataguyod ng karapatang pantao. Sa huli, noong Nobyembre 18, 2012, pinagtibay ang ASEAN Human Rights Declaration sa Phnom Penh, Cambodia, na naglalaman ng 40 artikulo na nahahati sa limang bahagi.

Ang deklarasyon ay binubuo ng mga karapatang sibil at politikal tulad ng karapatan sa buhay, malayang paggalaw, at kalayaan mula sa pang-aalipin. Saklaw din nito ang karapatang pangkabuhayan, panlipunan, at pangkultura na kinabibilangan ng karapatan sa trabaho, angkop na pamumuhay, at malinis na kapaligiran. Nakapaloob din ang karapatan sa kaunlaran, karapatan sa kapayapaan, at kooperasyon sa pagtataguyod at pangangalaga ng karapatang pantao sa Asya.

Kabilang sa mga isyu ang pagpatay sa mga tagapagtanggol ng karapatang pantao sa Thailand at Myanmar, tulad ng kaso ni Sirikan Charoensiri. Sa Pilipinas, kinakaharap ng mga tagapagtanggol ng kalikasan tulad nina Jonila Castro at Jhed Tamano ang ilegal na pagkakadakip. Mayroon ding mga isyu sa kalayaan sa pagpili ng relihiyon sa Vietnam at Myanmar, at diskriminasyon laban sa LGBTQIA+ community sa Pilipinas at ang isyu ng hijjab sa Indonesia at Malaysia. Isyu rin ang kalayaan sa pamamahayag sa Cambodia, Vietnam, Pilipinas, Myanmar, at Malaysia, at ang mga kontrobersyal na batas tulad ng bagong parusang batas ng Indonesia noong 2022.